Etterretning og tortur
Frå februar 1943 til oktober 1943

1943
februar	Det blir gjort eit forsøk på å likvidere Henry Rinnan utafor hovudkvarteret i Brattørgata 12 b. Dette fører til at Sonderabteilung Lola flyttar til Gamle Åsvei 48 på Byåsen.	(1)
14. februar	Henry Thingstad blir arrestert og frakta til Gamle Åsvei 48. Dette er starten på «den andre kommunistsaka». Det er også første gong tortur blir tatt i bruk av Sonderabteilung Lola.
februar	Infiltrasjonen i Namdalen blir avslørt. Alarmen går og store delar av motstandsrørsla rømmer til Sverige.
	I Vikna blir ikkje avsløringane av «Olav Wist» og medarbeidarane hans tatt alvorlig. Her held dobbelspelet fram.
25. februar	På Steinkjer er Solveig Kleve vitne til arrestasjonen av motstandsmannen Gunnar Fredriksen. No går det opp for henne at kjærasten «Bjarne Asp» ikkje er motstandsmann, men Gestapo-agenten Henry Rinnan.
1. mars	Henry Rinnan og fleire av mennene hans er med når det tyske sikkerheitspolitiet går til aksjon mot Morset-familien på garden Kleset i Selbu. Peder Morset og den seksten år gamle sonen Helge blir arresterte. Ein annan son, Oddmund Morset, blir drepen. Helge Morset mistar armen på grunn av skottskadar.
mars-april	Sonderabteilung Lola flyttar hovudkvarteret til Prinsens gate 37, vegg i vegg med Misjonshotellet. Solveig Kleve begynner som kontordame for organisasjonen.
mai	Ingrid Bjørgum, seinare Ingrid Eldøen, blir verva av Henry Rinnan.
19. mai	Ti av dei arresterte i «den andre kommunistsaka» blir avretta på Kristiansten festning saman med Reidar Morset.	(2)
sommaren	Etter arrestasjonar i Levanger er Henry Rinnan, Ivar Grande, Karl Dolmen og Arild Hjulstad Østby med på tortur i Misjonshotellet.
	På oppdrag frå Rinnan etablerer Harry Rønning ei agenturforretning i Olav Tryggvasons gate 1 som dekkadresse for kontakt med negative agentar.
22. august	Lola-agenten Arild Hjulstad Østby drep tjueto år gamle Ruth Haarstad i Bymarka i Trondheim. Etterpå forgrip han seg seksuelt på den døde. Drapsmannen blir avretta av tyskarane to veker seinare.
september	Sonderabteilung Lola tar over ein villa i Jonsvannsveien 46. Solveig Kleve og dottera Anne-Marie flyttar inn i det nye hovudkvarteret.
Neste:	Etterretning, tortur og drap. Frå oktober 1943 til mai 1944.

Notar

1) Likvideringsforsøket er berre kjent frå den framstillinga Rinnan sjøl gav, ikkje frå kjelder i motstandsrørsla.

2) Avretta 19. mai 1943 i tillegg til Reidar Morset: Gustav Bergquist, Thorleif Martin Dahl, Johan Albert Flønes, Arvid Leo Knudsen, Godtfred Lervaag, Egil Magnar Mogstad, Odd Nilsen, Torleif Olsen, Henry Thingstad, Einar Trønsdal.

Lenker frå denne sida: